Судзуки Харунобу

Судзуки Харунобу (1718 немесе 1725, қазіргі Токио, - 1770, Токио) - жапон график-суретшісі, кескіндемешісі, Укийе-э мектебінің өкілі. Ағашқа бедерленетін түрлі түсті гравюраның алғашқы шеберлерінің бірі.

Еңбектерінің көпшілігін 1764-1770 ж. аралығында жасады. Суретші негізен қыз-келіншектер бейнесін, көше өмірі көріністерін шынайы әрі тартымды кескіндеді. Ол гравюрада тұңғыш рет көптеген тақтайша қолдану арқылы рельефті қалыптау әдісін қолданды. Судзуки шығармашылығына бояу жарқындығы мен сызықтар биязылығы тән.