Супияз

Супияз (лат. Scilla) – қасқыржемдер тұқымдасына жататын көпжылдық өсімдік. Қазақстанда Қаратау мен Батыс Тянь-Шаньның тау беткейлерінде өсетін бір түрі- пушкиния С-ы (S.puschkinioides) кездеседі. Оның биіктігі 5-20 см. Сабағы жіңішке, ұзын жапырағы (ені 0,3-1 см) тамырына жанаса орналасады. 2-8 гүлі топталып, қалқанша гүлшоғырын құрайды. Гүлдері негізінен көкшіл, кейде ашық түсті, гүл бөліктерінің ортасында көк жолағы болады. Аталығы гүлсерігінен қысқа, көкшіл, тозаңдығы ұзынша. Сәуір-мамыр айларында гүлдеп, жеміс салады. Қорапшасы домалақ, көп тұқымды.С. – ерте көктемде әсемдік өсімдік.

Супияз
Scilla siberica
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Дара жарнақтылар Сабы: Asparagales Тұқымдасы: Asparagaceae Кіші тұқымдасы: Scilloideae Тайпасы: Hyacintheae Тегі: Scilla L.
түрлері
50-80 түрі белгілі

Дереккөздер

«Қазақстан» Ұлттық энциклопедия. /Бас ред.Б.Аяған. 8 том. Алматы: «Қазақ энциклопедиясы», Алматы, 2006.