Сусіңген

Сусіңген - Қазақстандағы ежелгі палеолит ескерткіші. Оңтүстік Қазақстанда Сусіңген өзенінің оң жағалауындағы, Өгем өзенінің сол жақ саласында орналасқан. Ірі қойтастар мен малта тастар сынықтарынан жасалған сұр түсті үш деректі шапқы мен бір қою - сұр түсті кремнилі сланецтен жасалған ұсақ тас сынықтары табылды. Шапқының екі жағы өңделген. Сараптаулар бұлардың бір мәдени қабаттың, бір уақыттың заттары екенің көрсетті. Тасты техникалық өңдеудің көне іздері, формасы т.б. белгілері оны көне ашель кезеңіне жатқызуға мүмкіндік береді.

Дереккөздер

Қ 18 Қазақстан тарихы. Энциклопедиялық анықтамалық (толықтырылған 2 - басылым). - Алматы: "Аруна Ltd." ЖШС, 2010. - 786 б. ISBN 9965 - 26 - 175 - X