Суфлер

Суфлер(гр. souffleur, souffler– үрлеу) – алдын ала салыстырылған пьеса мәтіні арқылы спектакль немесе репетиция барысын бақылайтын әрі қажетті жағдайда актердің ұмытып қалған сөзін есіне салып отыратын театр қызметкері. Ол көрермендер көзінен тасалау, арнайы жасалған орында отырады. 20 ғасырдың басына дейінгі театрларда (әсіресе, провинцияларда) көбіне коммерциялық мақсатты көздегендіктен, спектакль қысқа мерзімде, асығыс дайындалды. Осыған байланысты әрбір спектакль суфлер көмегімен жүргізілді. Суфлер 1920 – 1930 жылдардағы қазақ театрында да бой көрсетті. Қазіргі заманғы театр қойылымдарында суфлерлік қызмет пайдаланылмайды.