Суыр күні

Суыр күні (ағылш. Groundhog Day) — 2 ақпанда АҚШ пен Канадада тойланатын мереке.

Ескі наным бойынша, көктемнің қаншалақты ерте келетінін суырдың әрекетінен болжауға болады. Егер осы күні қысқы ұйқыдан оянған суыр іннен шығысымен тез ішке оралса, қыс тағы алты аптаға созылады-мыс. Ал ішке кірмей, толық оянған кейпін танытса, онда қыс тез арада бітеді деуге болады.

Бұл мейрам Солтүстік Америкаға неміс мигранттарымен бірге келді. Немістілді халықтарда жануарлардың әрекетіне қарай ауа райын болжау ежелден болды. Олар кірпіге немесе борсыққа қарап, болжамдарын жасаған. Ал Америкада ондай жануарлар болмағандықтан, «метеоролог» ретінде суырды қарастыра бастады.

Ондай суырлардың арасындағы ең танымалдары:

• Панксатони қаласының Фил суыры,
• Нью-Йорктың Чак суыры,
• Джорджияның Генерал Борегард Ли суыры,
• Онтариодағы Виартондық Вилли.

Дереккөздер

Ортаққорда бұған қатысты медиа файлдар бар: Суыр күні

Тағы қараңыз

• Суыр күні (фильм)
• Фенология