Су асты құбыр желісі

Суасты құбыр желісі - өзен, көл, бөген және теңіз айдындарынан өтерде су астына салынатын құбыр желісі. Қиып өтетін су айдындарына байланысты өзендік, теңіздік болып аталады. Аталған желіге судың гидростатикалық қысымы, толқын, ағыс әсер ететін болады. Мұндай құбырлар 500 м, кейде одан да астам тереңдіктерге түсіріледі, құбыр диаметрі 1420 мм, жұмыс қысымы 1-10 Мпа немесе одан да жоғары болады. Коррозия мен механикалық зақымданудан сақтау үшін құбырдың сыртын әдетте оқшаулағыш материалдармен тыстайды. Жебірлілігі жоғары өнімдерді тасымалдағанда желінің жоғары сенімділілігін қамтамасыз ету үшін "құбыр ішіндегі құбыр" типті конструкция пайдаланылады. Мұнда ішкі құбыр тасымалданатын өнімді айдауа арналған, ал құбыраралық кеңістік инерттік газбен немесе сұйықпен толтырылады.