Сыртқы сауда бағасы

Сыртқы сауда бағасы - экспорттық және импорттық өнімді өткізудің шетке шығарылатын және шеттен әкелінетін өнімді жеткізуге жасасылган келісімшарттарда көрсетілген бағасы. Сыртқы сауда бағасы әдетте әлемдік шаруашылықтағы өндіру және өткізу шарттарын көрсететін негізгі әлемдік тауарлар нарықтарының бағасы және нарықтың нақты буынының бағасы негізінде айқындалады. Сыртқы сауда бағасы кеденде тіркеледі. Сыртқы сауда нарығында тауарлардың ақысын төлеу мен оларды жеткізудің Инкотермс сыныптамасындағы шарттары қолданылады. Мысалы, ФОБ шартын қолдану кезінде тауарды сатушы оны өз елінің немесе басқа елдің жөнелтілетін кемежайына дейін жеткізуге міндетті. Тауарды жеткізілетін портқа дейін және одан әрі өз елінің аумағында жеткізуге байланысты кейінгі шығынды сатушының өзі көтереді. СИФ шартын қолдану кезінде теңіз сақтандыруына, тауарды теңізбен жеткізілетін кемежайға дейін тасымалдауға жұмсалатын шығынды тауарды жеткізуші көтереді. Сонымен, баға келісілген жеткізілім шарттарына қарай белгіленеді.