Сыр-Ана монументі –Қызылорда өңірінің тарихи ерекшеліктерін айшықтайтын Сырдария өзенінің жағасында орналасқан монумент.

Монумент жайлы өңдеу

Сыр-Ана монументінің биіктігі 39 метр. Ескерткіш пішіні биіктеген сайын өз діңгегінің айналасында оралып, әсем бейне қалыптастырады. Жоғарғы жағы қазақ әйелінің бейнесін айшықтайтын сәукелеге ұқсас жасалған. Сәукеле бейнесіндегі мұнара басын жайғалған күріш бейнесіндегі бөлшек аяқтайды. Қызылорда облысы Қазақ елін күрішпен қамтамасыз етеді. Сондықтан, күріш –Қызылорда облысының белгісі. Монументтің самал желмен бұйраланған етегі Сырдарияның бұйра толқындарын бейнелейді. Сырдария өзені облыс шаруашылығында маңызды рөл ойнайды. Сметалық құны 336,7 млн. теңгені құрайды.

Тарихы өңдеу

Елбасымыз «Сыр –Алаштың анасы» деп атап кеткен. Жаугершілік замандарда қазақтар Сырдария бойын паналаған. Одан бөлек Сырдарияның бойымен Жібек жолы кереуені өткен және оның бойында тарихи қалалар орналасқан.

Ашылуы өңдеу

Сыр- Ана монументінің ашылуы қала күніне орай өтті. Салтанатты шарада облыс әкімі Б.Қуандықов: - Өмір жібі – Сыр-Ананың қолында. Жаңа өмірге қадам басқан жас жұбайлар Сырдарияға келіп, тілек тілеуді дәстүрге айналдырған. Бұл үрдіс ұзақ жылдардан бері жалғасын тауып келеді. «Сыр-Ана» кешені де алдағы уақытта қызылордалықтар мен қала қонақтарының көптеп келіп, тағзым етер орнына айналады деп сенемін, - дей келе, барша жұртты мерейлі мерекемен құттықтады. Кеш жергілікті және қазақстандық өнер жұлдыздарының ән-шашуына ұласты.

Қолданылған әдебиет өңдеу

https://e-kyzylorda.gov.kz/?q=kk/content/syr-ana-monumenti-boy-koterdi-3(қолжетпейтін сілтеме)