Сьюзен Коллинз
Сьюзен Коллинз — американдық жазушы, балаларға арналған көптеген кітаптардың және жастарға арналған «The Underland Chronicles» және «The Hunger Games» трилогияларының авторы.
| Сьюзен Коллинз | |
| Suzanne Collins | |
 Time 100 2010жыл. | |
| Туған күні | |
|---|---|
| Туған жері |
Сэнди Хук, Коннектикут, АҚШ |
| Азаматтығы | |
| Мансабы |
жазушы, сценарист, новеллист |
| Шығармашылық жылдары |
2003 жылдан бастап |
| Жанры |
Фантастика, фэнтези |
| Шығармалардың тілі | |
| Дебюті |
«Gregor the Overlander», 2003 |
| Қолтаңбасы | |
| http://www.suzannecollinsbooks.com/ | |
Биография
өңдеуСьюзен Коллинз 1962 жылы 10 тамызда Коннектикут штатындағы Сэнди Хук ауылында, әскери әуе күштері офицерінің жанұясында дүниеге келді. Әскери қызметкер болғандықтан мистер Коллинзге тұратын жерін жиі ауыстырып, әйелі мен балаларымен бірге көшуге тура келген. Осылайша, Сьюзен балалық шағын көшумен өткізді. Жазушыда арнайы білім болған жоқ, Нью-Йоркта драматургияны оқыды.
Өз мансабын 1991 жылы Нью-Йорк қаласына көшкеннен кейін «Nickelodeon» телеарнасында балаларға арналған сериалдарға сценарий жазумен бастады. «The Mystery Files of Shelby Woo», «Little Bear», «Oswald», «Clarissa Explains It All» сияқты жобалар Сьюзенді балаларға арналған кітап жазуға қанаттандырды. Осылайша 2003 жылы оның «Gregor the Overlander» романы жарық көрді.
2008 жылының қырқүйегінде Scholastic Press басылымы «The Hunger Games» трилогиясының 1-бөлімін шығарды. Сьюзен Коллинз бұл романды әкесінің Вьетнамдағы қызметінен естеліктері және де грек аңыздарымен байланыстырған. Мысалы, Минотавр мен Тесейдің лабиринті мен соғыстан кейінгі салдар, аштық, кедейлік туралы оқиғалар сюжеттің дамуына үлкен әсерін тигізді.
Келесі жылы «Catching Fire», ал 2010 жылы «Mockingjay» атты кітаптары басылып шықты.
Қазіргі уақытта жанұясымен Коннектикут штатында тұрып жатыр. 1994 жылы қызы, ал 1999 жылы ұлы туды.
Қызықты мәліметтер
өңдеу- «The Hunger Games» 60 апта бойы бестселлер болып саналды.
- 2010 жылы Time Magazine Сьюзен Коллинзді ең ықпалды адамдардың қатарына енгізді.
- 2012 жылы Amazon интернет-дүкені Сьюзеннің кітаптарын ең көп сатылатын деп атады.
- Жазушыға сюжетке реалити-шоуды енгізу туралы ой теледидар қарап отырғанда келді. Ол жастарға арналған бағдарламаны бақылап келесі арнаға ауыстырғанда Ирактағы соғыс туралы репортажға көзі түсті.
- Бестселлер атанып фильмге айналған «The Hunger Games»'тің 2 романының таралымы 2 миллион данадан асып кетті.