Сюй Жунмао

Сюй Жунмао (ағылш. Xu Rongmao, ағылш. Hui Wing Mau, қыт. дəст. 許榮茂, жең. 许荣茂; 1950) — қытайлық кəсіпкер, Шанхайдағы ең ірі құрылыс компаниясы «Shimao Property Holdings» компаниясының негізін салушы, «Shimao Group»-тың иегері. Сюй Жунмаода 2009 жылдық ақпараттар бойынша жеке қаражаты 3,85 млрд АҚШ долларына дейін жетті.

Сюй Жунмао
Xu Rongmao 许荣茂 許榮茂
Туған күні	1950
Туған жері	Қытай, Фуцзянь
Азаматтығы	Қытай
Компаниясы	Shimao Property Holdings
Лауазымы	Президент

Өмірбаяны

Сюй Жунмао Фуцзянь елді мекенінде туып-өскен. Ол сегіз баланың ең үлкені болды. Мектепті аяқтағаннан кейін, Қытайдағы Мəдени революция кезінде оны ауылға дəрігер ретінде қызмет етуге жіберді. 1970-жылдары Сюй Жунмао Гонконгқа көшіп, тігін фабрикасында қызмет етті.

1988 жылы Сюй Жунмао 1.2 миллиард юаньды туған қаласындағы тігін өнеркəсібіне жұмсауға уəде беріп, алайда, оның орнына қонақүй салады. Дəл сол кезеңде Қытайда жекеменшік қонақүй салуға рұқсат берілмесе, қонақ үйдің құрылысы аяқталғанда билік саясаты өзгерді. Осылайша, Сюй Жунмао Қытайдағы алғашқы үшжұлдызды қонақүйдің иесі атанды. Осыдан кейін ол өз қаржысын Фуцзянь қаласында тұрғын үй жəне демалыс аймақтарын салуға жұмсайды.

1990-жылдары, бағаның жаппай көтерілуі алдында оның кəсібі Бейжің мен Шанхайға дейін таралады.

2000-жылдары Сюй Жунмао қоғамдық компанияларды иелену арқылы өз кəсібін кеңейтеді. Осылайша, «Shimao Holdings» , «Shimao International» жəне «Shimao Property» компаниялары пайда болды.

2008 жылдың 14-қыркүйегінде Сюй Жунмао «Ньюкасл Юнайтед» ағылшын футбол клубын иеленуге ниет білдірген.