Сұлтан Шәріпұлы Оразалинов

Сұлтан Шәріпұлы Оразалинов (30.4.1941 жылында туған, Шығыс Қазақстан облысы Аякөз қаласы) - жазушы, сыншы, теледраматург, өнертану саласының профессорі (2003). Қазақстанның еңб. сің. мәдениет қызметкері (1981), "ҚР еңб. сің. қайраткері" (2001), Халықаралық телевизия және радио академиясының (JATR) акад. (2003). ҚазҰУ-ды бітірген (1964). 1964 - 1984 жылдары Қазақ радиосы мен телевизиясында бас редактор қызметін атқарды. Қазақ телевизиясының әдеби-драмалық бағдарламалар бас редакциясын тұңғыш рет ұйымдастырып, он бес жылдан астам басқарды. Олардың ішінде "Сұхбат", "Қымызхана", "Кезде- су", "Шүғыла", "Айтыс", "Халық қазынасы", т.б. хабарлар циклі мен "Кек", "Отырар ойраны", "Өлім фа- брикасы", "Қашқын" т.б. телеқойылымдары халыққа кеңінен танылды. 1984 - 1986 жылдары Қазақстан Орталық партия к-тінде нұсқаушы, көркем әдебиет бөлім меңгерушісі, 1986 - 1993 жылдары республикалық "Өнер" баспасының бас редакторы, 1993 - 95 жылдары ұлт саясаты жөніндегі Мемл. к-т төрағасының бірінші орынбасары, 1997 - 1998 жылдары ҚР Білім және Мәдениет Мин- нің Тіл саясатын үйлестіру департаментінің директоры, 1998 - 2000 жылдары ҚР энергетика, индустрия және сауда мин-нің Авторлық құқық жөніндегі агенттігінің директор қызметтерін атқарған. 2000 жылдан ҚР әділет мин-нің авторлық қүқықтар жөніндегі к-тің төрағасы. Ол Респ. терминология және ономастикалық комиссия төрағасының бірінші орынбасар (1993 - 97), Қазақстан Халықтар Ассамблеясы кеңесінің (1994 - 97 ҚР Президенті жанындағы Мемлекеттік Ұлттық саясат жөніндегі кеңест ҚР Мемл. сыйл. беру жөніндеу комиссияның (1993- 98) мүшесі болды. Ондаған әдеби-зерттейтін мақалалары, монографиясы, орыс және шет ел жазушыларының романы, повестерін қазақшалаған кітаптары жарық көрген. Халықаралық әдеби сыйл. лауреаты (1995), РҚ Президентінің "Алтын Барыс" белгісімен марапатталған (2001).