Сәбит Ебентайұлы Жүсіпов

Сәбит Ебентайұлы Жүсіпов (1947 - 2007 жылдары өмір сүрген) - әл-Фараби атындағы Қазақ мемлекеттік университетінің биология, философия факультеттерін бітірген. Қазақстанда эмпирикалық әлеуметтанудың негізін қалаушылардың бірі. Қазақ мемлекеттік университетінде әлеуметтанулық лаборатория ашып, студенттердің жағдайын зерттеп, көптеген ұсыныстар жасаған. Бұдан кейін қоғамдық пікірді зерттейтін Республикалық Орталық ашқан. Соңғы кезде Қазақстанның әлеуметтік экономикалық ақпарат жөне болжам институтын құрып республикадағы әлеуметтік мәселелерді зерттеп, көптеген кітаптар мен мақалалардың авторы болды. Жүсіпов әлеуметтану ғылымдарының методологиясы мен әдістемелеріне арналған 12 кітап 46 мақала жазып, дүниежүзі әлеуметтанушыларының конгресінде 15 баяндама жасаған.