Сәт-Ата - Атырау облысының Исатай ауданы ауқымында орналасқан Новобогат кенорнын барлау жұмыстарын жүргізумен және одан көмірсутек шикізатын өндірумен айналысатын жауапкершіпігі шектеулі серіктестік. Құрылтайшылары - жеке тұлғалар. "Сәт-Ата" жауапкершілігі шектеулі серіктестігі Атырау қаласынан батысқа қарай 65 км жерде, Новобогат кентінің жанында орналасқан аттас кенорынды игеру мақсатында құрылған. Кенорынның орналасу ауқымы - 0,198 км². Лицензияның өз күшін сақтау мерзімі, сол лицензия бекітілген 1997 жылдан бастап есептегенде, 20 жыл. Кенорынды барлау сатысының ұзақтығы - 3 жыл, алайда 4 жылға дейін ұзартылуы да мүмкін. Кенорыннан өнім алу сатысының ұзақтығы, оны жайластыру уақытын қоса есептегенде, 17 жыл.

[1]

Дереккөздер өңдеу

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1