Сәңкібай батыр

Сәңкібай батыр (1687-1804) - тарихи тұлға, батыр әрі би. Жем өзені бойында туған. Шектінің назарынан. Әбілқайыр хан, тама Есет батыр, кете Әжібай бидің замандасы, пікірлесі.

Қазақ халқының азаттығы, тәуелсіздігі жолында күрескен. "Ақтабан шұбырынды" жылдары қалмақтарды Еділ, Жайықтан ығыстыру кезінде Әжібай би мен Арал батыр сарбаздарына көмектескен. Сәңкібай батыр әулеті мал шаруашылығымен, әсіресе, жылқы өсірумен айналысқан. Байлығымен Әбілқайыр ханның назарында болып, мейір-рахымын иеленген. Жарлы, кедей шаруаларға қамқорлық, көмек жасаған, қайырымды болған. "Бай болсаң, бәсең бол" деген. Сәңкібай батыр туғанына 310 жылдығына орай 1997 ж. 23 тамызда Кенжалы өзені бойындағы Еділсайда кесене салынып, ас берілді. Ақтөбе қаласында Сәңкібай даңғылы бар.