Табиғаттан тыс (телесериал)
«Табиғаттан тыс» (ағылш. Supernatural) - америкалық фэнтези-телесериал, режиссёры - Эрик Крипке. Телесериалдың тұсаукесері 2005 жылы 13 қыркүйекте The WB телеарнасында жасалынды. Кейіннен The WB және UPN арналарының бірігуінен пайда болған The CW арнасы бағдарламаларының бір бөлігіне айналды. Дженсен Эклс бен Джаред Падалеки ағайынды Дин және Сэм Винчестерлердің рөлін сомдады. Сериал 1967 жылғы Chevrolet Impala көлігін мініп АҚШ жерлеріндегі тылсым күш иелерін аулап, қала аңыз-әңгімелеріне негізделген табиғаттан тыс дүниелерді зерттеп, әзәзіл, елес, жын-перімен айқасатын ағайынды екі жігіттің өмірін баяндайды. Сериалдың өндірісімен Warner Bros. Television компаниясы Wonderland Sound and Vision компаниясымен бірігіп айналысты. Крипкемен қатар ұзақ уақыт бойы телесериалдың атқарушы продюсері ретінде Макджи, Роберт Сингер, Фил Сгричча, Сера Гэмбл, Джереми Карвер, Джон Шибан, Бен Эдлунд және Адам Гласс жұмыс жасады. Сериалдың тағы бір режиссёрі әрі атқарушы продюсері Ким Мэннэрс төртінші маусымның өндірісі кезінде өкпе обырынан көз жұмды. Сериалдың түсірілімі Британдық Колумбия мен Канадада өтіп, сериалдың жасалынуына 10 жыл уақыт кеткен. Пилоттық серияны 5,69 млн адам көріп, алғашқы 4 серияның рейтингі толық бір маусым шығаруға ықпал етті. Алғашында Крипке сериалды 3 маусымнан аяқтауды ойлаған, алайда толық 5 маусым жасап шығаруды жөн көреді. Осыдан кейін ол жобаның шоураннері қызметінен кетті. Оның жұмысын одан әрі Сера Гэмбл (6—7 маусым), Джереми Карвер (8—11 маусым) және Эндрю Даб, Роберт Сингер (12—15 маусым) жалғастырды[1].
| Табиғаттан тыс ағылш. Supernatural | |
| |
| Жанры | қорқынышты мистика фантастика |
|---|---|
| Идея авторы | Эрик Крипке |
| Өндіріс | The Warner Bros. Television |
| Рөлдерде | Дженсен Эклс Джаред Падалеки Кети Кессиди Миша Коллинз Лорен Коен Марк Пеллигрино |
| Композиторы | Джей Груска Кристофер Леннерц |
| Мемлекет |  АҚШ
|
| Тілі | ағылшын |
| Маусымдар саны | 15 |
| Сериялар саны | 327 |
| Өндіріс | |
| Атқарушы продюсері | Эрик Крипке Роберт Сингер Макджи Девид Наттер Ким Меннерс Джон Шибан Фил Сгрича Сера Гембл Бен Едлунд Джереми Карвер Адам Глас |
| Режиссёрі | Эрик Крипке |
| Түсірілім орны | Британдық Колумбия, Канада |
| Серия ұзақтығы | 44 мин. |
| Студия | Warner Bros. |
| Статус | аяқталды |
| Хабар тарату | |
| Телеарна | The CW |
| Таратылым кезеңі | 13 қыркүйек, 2005 жыл — 19 қараша, 2020 |
| Хронология | |
| Байланысы бар шоу | Винчестерлер (приквел) |
| Сілтемелер | |
| IMDb | ID 0460681 |
| Ресми сайты |
|
өңдеу  |
|