Әдібай Табылдиев

Әдібай Табылды (2 ақпан 1926 ж.т., Жамбыл облысы Тұрар Рысқұлов ауданы Жаңатұрмыс ауылы) – ақын, жазушы, драматург, педагогика ғылымдарының докторы (2005), профессор (2005), Қазақ КСР-і және КСРО Білім беру ісінің үздігі, ҚР Білім беру ісінің құрметті қызметкері (2007).

Білімі

• 1948 жылы Тараздағы Абай атындағы педагогикалық училищені бітірген.
• ҚазПИ-ді (1955, қазіргі ҚазҰПУ) бітірген.

Еңбек жолы

• Еңбек жолын 1944 жылы Т.Рысқұлов ауданында мұғалім болудан бастаған.
• 1944 – 46 жылы әскер қатарында қызмет етті.
• Жамбыл облысы Т.Рысқұлов ауданындағы мектепте мұғалім (1946–50), оқу ісінің меңгерушісі (1950–57), директор (1957–68)
• «Қазақ энциклопедиясы» бас редакциясында аға ғылыми редактор (1968–72), редакция меңгерушісі (1972–80) болды.
• 1980 жылдан қазіргі ҚазҰУ-да оқытушы (1980–90), доцент (1991), 2005 жылдан профессор қызметін атқарды.

Ғылыми еңбектері

• 2004 ж. «Қазақ этнопедагогикасының негіздері» деген тақырыпта докторлық диссертация қорғады. Оның ғылыми-әдістемелік еңбектері мектеп оқушылары мен жоғары оқу орындарының студенттерін тәрбиелеу және оқыту, этнопедагогикалық мәселесіне арналған.
• 1965 жылдан бастап 120 энциклопедиялық ғылыми мақала, 10-нан астам ғылыми-әдістемелік оқу құралдары, бағдарламалар мен кітаптардың авторы:
  • «Халық тағылымы», 1992;
  • «Тағылым» (1995)
  • «Қазақ этнопедагогикасы оқытудың әдістемесі», 2000;
  • «Қазақ этнопедагогикасының методологиясы мен этнопедагогика және мәдениеттану мәселелері» (2000)
  • «Қазақ этнопедагогикасы», 2001, Ы.Алтынсарин атындағы республикалық сыйлық;
  • «Этнопедагогикалық оқылымдар», 2005; т.б.) .

Шығармалары

Балаларға арнап 31 кітап шығарды.

• 1959 жылы шыққан «Бөбекке сөз» жинағы
• 2000 жылы жарық көрген «Қайырлы таң, балалар» атты жинағы
• Сатира жанрында да қалам тартып «Қой бағу оңай ма?»
• «Мен кіммін, білесің бе?» деген жинақтар шығарды.
• «Алыптардың алыбы»
• «Бәрекелді, Кірпі»
• «Ғажайып бақ» ертегі пьесалары республикалық қуыршақ театрында қойылды.

Марапаттары

• 2001, Ы.Алтынсарин атындағы республикалық сыйлық.