Талап қою мерзімінің өтуі

Талап қою мерзімінің өтуі (ағыл. terms of limitation of actions; нем. Lauf der Klageverjiihrung f) - Талап қою мерзімінің өтуі адам құқық бұзушылық туралы білген немесе білуге тиіс болған күннен басталады.

Белгіленген орындау мерзіміне байланысты міндеттемелер бойынша талап қою мерзімінің етуі орындалу мерзімі аяқталғаннан кейін басталады.

Орындалу мерзімі белгіленбеген не талап ету кезімен белгіленген міндеттемелер бойынша талап қою мерзімінің өтуі, міндеттемені орындау туралы талап қойылған кезден басталады, ал егер борышқорға сондай талаптарды орындау үшін жеңілдік мерзімі берілсе, талап мерзімін есептеу аталған мерзім аяқталғаннан кейін басталады.

Регрестік міндеттемелер бойынша талап мерзімінің өтуі негізгі міндеттемені орындау кезінен басталады.