Талғатбек Жәмшитұлы Абайділдин

Талғатбек Жәмшитұлы Абайділдин

Талғатбек Жәмшитұлы Абайділдин

1948 жылы 16 қыркүйекте Ақмола облысының Есіл қаласында туған. Қазақ

Әкесі - Мейірманов Жәмшит Мейірманұлы (1920-2003), педагог болған. Анасы - Мейірманова Берен Кәрімқызы (1928-1992), сауда саласында жұмыс істеген.

Абай атындағы Қазақ педагогикалық институтының физика-математика факультетін (1974) математика пәнінің мұғалімі мамандығы бойынша; Қазақ менеджмент, экономика және болжамдау институтын (1993) саясаттанушы, жоғары және орта оқу орындарында әлеуметтік-саяси пәндердің оқытушысы мамандығы бойынша бітірген. Мерзімдік басылымдарда жарияланған 100-ден астам мақаланың авторы.

КОКП мүшесі (1991 жылға дейін).

1966 жылдан - Қарағанды қаласындағы «Қазауылшартехника» тресінде токарь. 1967 жылдан - Кеңес Әскерінің қатарында Солтүстік флотта қызметте. 1970 жылдың қаңтар- қыркүйек айларында - Қарағанды облысының Ағадыр стансасындағы тораптық комсомол комитетінің хатшысы. 1974 жылдан - Қазақ педагогикалық институтында кәсіподақ комитеті төрағасының орынбасары. 1975 жылдан - сапарларға шығып тұратын отрядтардың нұсқаушысы. 1976 жылдан - Қазақстан ЛКЖО Алматы, Талдықорған облыстық комитеттері студенттік құрылыс жасағы штабының комиссары, басшысы. 1980 жылдан - Алматы қаласының Калинин аудандық атқару комитетінің ұйымдастыру бөлімінің меңгерушісі , 1983 жылдан - үгіт және насихат бөлімінің меңгерушісі. 1984 жылдан - Қазақстан Компартиясы Калинин аудандық комитетінің ұйымдастыру бөлімінің меңгерушісі . 1987 жылдан - Қазақстан Компартиясы Алматы қалалық комитетінің ұйымдастыру бөлімі меңгерушісінің орынбасары. 1988 жылдың наурыз айынан - Қазақстан Компартиясы ОК үгіт және насихат бөлімінің нұсқаушысы, 1988 жылдың қараша айынан - нұсқаушысы, 1989 жылдың - идеологиялық бөлімінің саяси ұйымдастырушысы. 1991 жылдың қаңтар айынан - ҚазКСР Президенті Аппаратының Діни ұйымдармен байланыстар жөніндегі референтурасының референті . 1991 жылдың тамыз айынан - ҚР Президентінің Аппаратының және ҚР Министрлер кабинетінің Діни ұйымдармен байланыстар жөніндегі бөлімінің аға референті . 1993 жылдың сәуір айынан - ҚР Президент і жанындағы Бас бақылау инспекциясының мемлекетті к инспекторы. 1993 жылдың желтоқсан айынан - ҚР Орталық сайлау комиссиясының мүшесі . 1995 жылдың сәуір айынан -ҚР Президенті Аппаратының ұйымдастыру-бақылау басқармасында мемлекеттік инспектор. 1995 жылдың желтоқсан айынан - ҚР Президентінің Әкімшілігінің ұйымдастыру-бақылау бөлімінің мемлекеттік инспекторы. 1997 жылдың наурыз айынан - Көкшетау облысы әкімінің орынбасары. 1997 жылдың мамыр айынан - Шығыс Қазақстан облысы әкімінің орынбасары. 2001 жылдан - ШҚО әкімінің бірінші орынбасары. 2003 жылдың ақпан айынан - ШҚО әкімі. 2004 жылдың желтоқсан айынан - ҚР Президентінің кеңесшісі. 2005 жылдың наурыз айынан - ҚР қоршаған ортаны қорғау вице-министрі . 2005 жылдың қараша айынан бері - ҚР Парламенті Сенатының депутаты, Әлеуметтік-мәдени даму комитетінің хатшысы, 2007 жылдан - Экономикалық және өңірлік саясат комитетінің хатшысы.

«Қазақстан Республикасы - Еуропалық Одақ» парламенттік әріптестік комитетінің мүшесі. Қытай Халық Республикасы халық өкілдері бүкілқытайлық жиналысымен, Ресей Федерациясы Федералдық жиналысы Кеңесімен, АҚШ Конгресімен әріптестік тобының мүшесі. «Құрмет» орденімен (2006); «Тыңжерлерді игергені үшін» (1973), «Астана» (1998), «Қазақстан Республикасының тәуелсіздігіне 10 жыл» (2002)», «Қазақстан темір жолына 100 жыл» (2004), «Қазақстан 10 жыл» (2005), «Қазақстан Парламентіне 10 жыл» (2006), «Ауған Демократиялық Республикасынан Кеңес әскерлерінің әкетілгеніне 15 жыл» медальдарымен; ҚазКСР Жоғарғы Кеңесінің Құрмет грамотасымен (1974) марапатталған.

Діни көзқарасы - дінге дұрыс көзқараста.

Қазақстанның болашағы туралы болжамы - «Экономикасы жоғары деңгейде дамыған, бейбіт сыртқы саясат жүргізіп отырған құқықтық мемлекет».

Саяси қайраткер ретіндегі идеалы - Н.Ә. Назарбаев, А. Линкольн, Дэн Сяопин.

Хоббиі - спорт, классикалық музыка.

Сүйіп оқитын әдебиеті - тарихи романдар, классика.

Үйленген. Жұбайы - Роза Қабдуәлиқызы, педагог. Ұлдары - Мұхаммед-Рахым (1976 жылы туған), кәсіпкер; Азат (1982 жылы туған).