Таманян Александр Иванович

Таманян Александр ИвановичӨңдеу

БиографиясыӨңдеу

Таманян Александр Иванович (16. 3. 1878, Екатеринодар, қазіргі Краснодар, - 20. 2. 1936, Ереван)- совет архитекторы, Армения халық архитекторы (1924). 1904 ж. Петербург Көркемсурет академиясын бітірді. Алғашқы еңбектерінде (Москвадағы Щербатованың дербес үйі, 1911-13) класицизмге ден қойды. 1923 жылдан Ереванда тұрды. Ереван (1924), Ленинакан (1925), Эчмиадзин (1927-28) қалаларын реконструкциялаудың тұңғыш бас жоспарларын жасады. Салған ғимараттарының көпшілігінде классицизм үлгісі мен орта ғасырлық армян сәулет өнері дәстүрін астастыра ( Арм . ССР-і Үкімет үйі, 1926-41, 1942 ж. мемлекеттік сыйлық берілді; А. А. Спендиаров атындағы опера және балет театры, 1926-53) қолданды. Таманян Александр Иванович творчествосы советтік армян архитектурасының қалыптасуына ықпал жасады. [1]

ДереккөздерӨңдеу

  1. Қазақ Совет Энциклопедиясы. Алматы қаласы,1977 ж. 10-том, Самал Жел-Тегене. 537-бет