Тарақ балықтар
Тарақ-балықтар(Leuciscus)-тұқытәрізділердің бір туысы.Т.-Б. тұщы суда тіршілік ететін өткінші балықтар.Денесінің ұз. 11-80 cм ,салм.200 г-нан 8кг-ға дейін.Қабыршақтары аса үлкен емес,жұтқыншақ тістері екі қатарлы,аналь қанаттары қысқа,сәл ойықты болады.Негізі өкілі-кәдімгі Т.-Б.(L leuciscus).Денесінің ұз.20-30см,салм. 200-400 г.Қазақстан су айдындарында кең тараған.Жыныстық жағынан 2-4 жасында жетіледі. Наурыз-мамыр айларында уылдырығын (29мыңнан астам)су астындағы өсімдіктер мен майда тастардың арасына шашады. Шабағы зоопланктонмен және балдырлармен, ал ересек балықтар зообентоспен,судағы өсімдіктермен,жәндіктермен қоректенеді. Т.-б-дың кәсіптік маңызы шамалы, оларды әуесқойлық мақсатпен аулайды.
Дереккөздер
өңдеу«Қазақстан» Ұлттық энциклопедия. /Бас ред.Б.Аяған. 8 том. Алматы: «Қазақ энциклопедиясы», Алматы, 2006.