Тарумаэ

Тарумаэ тауы Томакомай және Читоуз қалаларына таяу орналасқан. Оны аталған қалалардан анық көруге болады. Тау Жапониядағы батыс Хоккайдодағы Шикотсу көлінің жағалауында орналасқан.

Мәліметтерге сүйенсек, 1667 және 1739 жылғы болған атқылаулар кезіндегі пирокластикалық материалдар қоршаған орманды тугелдей өртеп жіберген. Сол кезде тау етегінің шығыс бөлігі күндіз де қараңғы болып турған екен.

Бул тау саяхатшылар арасында кең танылған. Себебі оған шығу оңай. Тарумаэ Хоккайдо аралының табиғи ескерткіші болып саналатын лава күмбезі бар, Насу жанартаулы аймағына жатады. Тау шыңында түрып төменде жатқан Шикотсу көлің қашықтағы Хидака тау тізбектерін жәнө Хоккайдо аралының басқа да тамаша көріністерін тамашалауға болады.

Тарумаэ тауының биіктігі 1041 м-ді құрайды. Тарумаэ тауының етегінде көптеген ыстық булақтар, демалыс орындары мен гольф алаңдары бар.

Тарумаэ тауы белсенді андезитті стратожанартау болып саналады. Онда жанартаулық белсенділік 9000 жыл бурын басталған болатын. Тарумаэ соңғы рет 1982 жылы атқылаған. Ол фреатикалық сипатта болатын. Фреатикалық атқылау магманың топырақпен немесе сумен түйісуі нәтижесінде орын алады. Тауда ірі атқылаулар 1667, 1739, 1909 жылдары болған. 1667 және 1739 жылғы болған атқылаулар таудың қазіргі түрін қалыптастырған.