Таса

Таса — жеке құрам, әскери техника және мүліктерді бүркемелеу және қорғау үшін пайдаланатын жергілікті жер заттары және жер бедерінің элементтері, фортификациялық құрылыс.

Әскерлер орналасқан аудандар мен позицияларда, әдетте, жеке құрам үшін — саңылаулар, блиндаждар және паналар; әскери техника және басқа да материалдық құралдарға — шұңқыр және шанақ типтестер, қуыстар мен ұралар жасалынады.

Ерекше маңызды әскери техника түрлері үшін жою құралдарынан қорғануды қамтамасыз ететін аса жоғары деңгейдегі жабық түрдегі Таса жабдықталуы мүмкін. Сүңгуір қайықтар, эсминецтер және ракеталық (торпедалық) катерлер үшін таса күз немесе тік жартасты жағалауларда жасалады.