Тасмұрын уран-торий кен орны

Тасмұрын уран-торий кен орны - Маңғыстау ойысының оңтүстігінде, Қарақия көтерілімінің солтүстік ернеуіндегі Мел кен орнынан оңтүстікке қарай 12-15 км жерде орналасқан. 1953-1954 жылдары Ферғана экспедициясы ашқан.

Геологиялық құрылымы

Кендену пермь дәуірінің майкоп (Р3–3) сериясы құрайтын Қарақия свитасының “балықты” свита асты сағындық горизонтымен байланысты. Бұл горизонттың қалыңдығы 1-5 м ғана, кентастағы карбонаттар мөлшері 25%.

Жатыс сипаты

Кентасты горизонт ортаңғы миоцен дәуіріндегі шайылу процесі салдарынан екі телімге бөлінген: Тасмұрын және Ащысай. Жалпы 20 км кен орнының 10-12 км-ін Тасмұрын телімі, 5-6 км-ін Ащысай телімі, ал қалған бөлігін кентастың шайылу горизонты алып жатыр. Кен шоғырының қалыңдығы 0,1-1,5 м, ол созыла келе бейкентасты саздармен бөлінген 3 кентасты қабатқа ажыратылады. Қоңырқай кенденген саздардағы балық сүйегі қалдықтарымен байытылған уранның мөлшері 0,02-0,06%-ға өзгеріп отырады. Кен орны жер асты әдістерімен игерілетін нысан ретінде сақтауда тұр.