Тасты (бекініс)

 Басқа мағыналар үшін Тасты деген бетті қараңыз.

Тасты – ескі бекініс орны. Бекіністі 1947 жылы Орталық Қазақстан археологиялық экспедициясы (жетек. Ә.Х.Марғұлан), 1948 жылы Оңтүстік Қазақстан археологиялық экспедициясы (жетек. А.Н.Бернштам) зерттеген.

Географиялық орны

Түркістан облысы Созақ ауданы Тасты ауылының маңында, Шу өзенінің төменгі ағысының сол жақ жағалауында орналасқан.

Сипаты

Аумағы 60х60 м, биіктігі 1,5 м төртбұрышты алаң. Мекен қабырғасының биктігі 1,5 м, екі қатар жер дуалмен қоршалған, олардың аралығына ені 3,5 м, тереңдігі 2,5 м ор қазылған. Бұрыштарында мұнараның орны сақталған. Бекіністі мекеннен алынған көзелердің сынықтарына, олардың жасалу тәсілдері мен үлгілеріне қарағанда, бұл жер ерте орта ғасырда, орта ғасырдағы және 14–16 ғасырлардағы жергілікті халықтардың мекені болған.