Татьяна көгілдір көбелегі
Татьяна көгілдір көбелегі (лат. Otnjukovia tatjana) — жеке типті Otnjukovіa туысына жататын сирек кездесетін түр. Ол Turanana және Phіlotes туыстары арасындағы байланыстырушы эволюциялық топты құрайды. Iле Алатауынан, Жоңғар Алатауынан және Алтайдан (Күршім жотасынан) табылған. ТМД-дан тыс әлі табылмаған. Оңтүстік, оңтүстік-батыс, көбіне тасты беткейлерде 900–1100 м биіктіктегі бұта аралас түрлі шөпті жерлерде тіршілік етеді. Жылына бір рет ұрпақ береді. Көбелектердің ұшуы таралу аймағының оңтүстігінде мамырда,солтүстігінде маусымда байқалады. Жұлдызқұрты кермекте (лат. Gonіolіmon cuspіdatum) тіршілік етеді. Солтүстік Тянь-Шаньның бар жерінде саны төмен, себебі тіршілік мекендерін малдың шектен тыс жайылып, тап-тап тастауынан болар. Түрді қорғау үшін ең алдымен, таралуын зерттеп, жиі кездесетін мекенін тауып, көрсетілген тау жоталарының бірінде шағын қорық ұйымдастыру керек.[1]
![](http://upload.wikimedia.org/wikipedia/kk/thumb/0/01/%D0%93%D0%BE%D0%BB%D1%83%D0%B1%D1%8F%D0%BD%D0%BA%D0%B0_%D0%A2%D0%B0%D1%82%D1%8C%D1%8F%D0%BD%D0%B0_.jpg/220px-%D0%93%D0%BE%D0%BB%D1%83%D0%B1%D1%8F%D0%BD%D0%BA%D0%B0_%D0%A2%D0%B0%D1%82%D1%8C%D1%8F%D0%BD%D0%B0_.jpg)
Дереккөздер
өңдеу- ↑ «Ғажайып омыртқасыздар.» Қазақстан Қызыл кітап беттерінен. Құрастырушылар И.Д.Минтяев, Р.В. Ященко, В.Л. Казенас.