Тауар-материалдық құндылықтар

Тауар-материалдық құндылықтар – тауар-материалдық босалқы қорлар; кәсіпорынның шаруашылық айналымына қатысатын және тауарлар ретінде өткізілетін алуан түрлі заттардың бухгалтерлік есепте қабылданған жиынтық атауы. Оларға мына түрдегі активтер жатады: шикізат қорлары‚ сатып алынатын шала фабрикаттар мен жинақталымды бұйымдар‚ құрастырымдар (конструкциялар) мен бөлшектеротыныдыс‚ ыдыс материалдары‚ босалқы бөлшектер‚ тауарлар өндіру‚ жұмыстарды орындау‚ қызметтерді көрсету кезінде пайдаланылатын өзгедей материалдар түріндегі активтер; аяқталмаған өндіріс‚ орындалған жұмыстар мен көрсетілген қызметтер түріндегі активтер; дайын өнім‚ тауарлар‚ т.б. түріндегі активтер.

Субъектілердің салық салу мақсатымен Тауар-материалдық құндылықтардың сатып алынған сәтінен бастап және оларды өңдеу немесе өткізу сәтіне дейін статистика органдары ай сайын белгілейтін инфляция коэфф-н ескере отырып, оларды қосымша бағалауға құқығы бар. Қосымша бағалау сомасы салық салынатын табысқа енгізілмейді. Тауар-материалдық құндылықтар құнының инфляция индексінен асып түсетін деңгейде көбеюі салық төлеушінің жылдық жиынтық табысының көбеюіне жатқызылады.[1]

ДереккөздерӨңдеу

  1. Қазақ энциклопедиясы