Тауда (Мәмбеев)
«Тауда», кейде «Тауларда» — Сабыр Мәмбеевтің 1956-57 жылдары салған суреті.
|
|
| Сабыр Мәмбеев |
| Тауда, 1957 |
| кенеп пен майлы бояу. 98×158 см |
| Мәскеу, Шығыс халықтары өнері музейі |
Бұл пейзажды ол 28 жасында, Қазақстан суретшілер одағының төрағасы болып сайланған кезде сала бастады. Ұлттық кескіндеме тілін іздеу туралы ойлана бастаған барлық жас суретшілер тобымен бірге Сабыр Мәмбеев те қазақ халқының көшпелі мәдениеті мен елдің жайлаудағы сюжеттерін кенеп бетіне түсіре бастады. Өз туындысында ол адамды жай табиғат фонында емес, соның құрамдас бір бөлігі ретінде көрсете білді. Мөлдір шуақты таңның тазалығы бейнеленген бұл сурет үшін ерекше үйлесімділік тән.[1]
1958 жылы осы сурет және «Киіз үй» атты туындысы Мәскеуде өткен Қазақ өнерінің онкүндігінде көрсетіліп, одақ көлемінде жоғары бағаланды. Кескіндемеші Сергей Герасимовтың айтуынша, бұл екі шығарма «жарықпен, күнмен, ашық түстермен толықтырылған» және «ұлттық бояуымен қатар өзінің эмоционалдық кейпімен заманауи болып келеді».[2]
Дереккөздер
өңдеу- ↑ Санжар Сырғабаев. Түстер және реңктер — «Жас Алаш», 18.05.2024.
- ↑ Ұлттық болмысты бедерлеген — «Егемен Қазақстан», 19.01.2022.