Тауқалуен

Тауқалуен немесе Шмальгаузения (лат. Schmalhausenia nidulans) – астралылар тұқымдасының монотипті тегі, жалғыз биологиялық түрі, сирек кездесетін түр. Солтүстік Тянь-Шаньда (Іле, Күнгей Алатауы, Кетпентау) кездеседі. Қазақстан жерінен тыс Өзбекстан мен Қырғызстанда (Талас Алатауы, Қырғыз, Шатқал және Курамин жоталары, Ангрен өзені аңғары) таралған. Шағыл тасты беткейлерде, жоғарғы тау белдеулеріндегі альпі және субальпі шалғындарында өседі. Биік таудың суық көрінісіне сән беретін өте де тартымды өсімдік. Жекелеп немесе шағын топ болып, кейде 2-3-5 жынысты жетілген сабақтары шоғыпрланып кездеседі. Малды шектен тыс жаюдан зардап шегеді. Популяцияның саны мен жағдайы зерттелмеген. Мәдени түрде өсірілгені жайлы мәлімет жоқ. Жергілікті барлық популяцияның жағдайын бақылап, санын есептеу керек. Алматы қорығы мен Іле-Алатау ұлттық паркінде қорғалады.

Тауқалуен
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар (unranked) Asterids Сабы: Asterales Тұқымдасы: Asteraceae Кіші тұқымдасы: Carduoideae Тайпасы: Cynareae Тегі: Schmalhausenia C.Winkl.
Екі-есімді атауы
Schmalhausenia nidulans (Regel) Petr.
Үлгілік түрі
Schmalhausenia eriophora ((Regel & Schmalh.) C.Winkl.
Синонимдері
Cirsium nidulans Regel Arctium eriophorum (Regel & Schmalh.) Kuntze Schmalhausenia eriophora (Regel & Schmalh.) C.Winkl. Cousinia eriophora Regel & Schmalh. Carduus horridus (Rupr.) B.Fedtsch. Jurinea horrida Rupr.