Тау саламандралары

Тау саламандралары (Sаlаmаndrа аtrа) дернәсілінің метаморфозы анасының ішінде аяқталады. Үңгір саламандраларымен (Sреlерrеs fusсus) кейбір аяқсыз қос мекенділердің түрлері толық дамып жетілген тірі бала туады. Амфибилердің жоғарыда көрсетілген көбею тәсілдерінің әдеттегі көбеюден ерекше болуы, олардың әр түрлі тіршілік жағдайларына бейімделіп, өзінен кейінгі тұқымын сақтауға қам ету болып саналады. Амфибилердің өсімталдығы түрліше болады. Мысалы, қара саламандра 2 бала туады, ал теңбіл саламандра мен терілі құртша бір ғана бала туады. Цейлонның жылан балығы 10—15 жұмыртқа, буылтық құртша 5—10, пипалар 50—100, Дарвин ринодермалары 20—30 жұмыртқа салады. Шөп бақасы 1500— 4000 жұмыртқа, жасыл бақа 3—8 мың, ал құрбақалар 10 мыңға дейін уылдырық салады.