Тебесса

Тебесса – Алжирдің солтүстік-шығысындағы қала

Халық саны 170 000 адам (2005 жылғы халық санағы бойынша). Қала біздің заманымызға дейінгі 7 ғасырда карфагендік әскери форпост ретінде қалыптасқан болатын. Біздің заманымызға дейінгі 146 жылы Тебесса Рим империясының құрамына кірді. Римдіктер қаланы «Тевесте» деп атаған. Осы уақытта қала өркендеп дамып, халық саны 30 000 адамға дейін жеткен. 5-6 ғасырларда қала көптеген шапқыншылықтарға ұшырап, 7 ғасырдағы арабтардың жаулап алу соғысы кезінде толықтай қираған болатын. Кейін осы жерде түріктер әскери бөлімшесін орнатқаннан кейін қала қайтадан жаңғырды. 1830-1962 жылдарда Францияның отары болды.