Тектұрмас көпірі

Тектұрмас көпірі – шамамен 1 – 15 ғасырларда Тараз қаласы маңында болған. Талас өзені бойында қант зауыты ауылында орналасқан.

Қазіргі кезде көпірдің тек тастан дайындалған тіреулерінің қалдықтары ғана сақталған. Тектұрмас көпірі туралы алғашқы мәліметтер 10 ғасырда араб жиһанкезі Махдиси еңбектерінде айтылады. Көпірді салушылар, салу кезеңі, сыртқы бейнесі жөнінде мәліметтер жоқ. Тектұрмас көпірі Ұлы Жібек жолындағы басты көпірлердің бірі болған деп есептелінеді. 1221 ж. Жетісуда болған қытайлық сопы Чань Чунь Шу өзені арқылы ағаш көпірден, ал Талас өзені арқылы тас көпірден өткендігі жөнінде жазылған.