Теміртаулық жауынгерлер ескерткіш-обелискісі

Теміртаулық жауынгерлер ескерткіш-обелискісі, Ұлы Отан соғысы жылдарында (1941-1945) құрбан болғандарға 1974 жылында Теміртау қаласының Ю. А. Гагарин атындағы алаңында орнатылған. Мүсінші С. Б. Назарян. Ескерткіш аландағы сквермен сәтті үйлесім тапқан. Аласа тұғырда тұрған плащ-палажадағы жауынгер тұлғасы (биіктiгi 10,5 м) жоғары жағында мысты цифрлары («1941-1945») бар тік қосарланған пилон фонында орнатылған. Күңгірт металдан құйылған жауынгер тұлғасы ашық түсті пилон фонында айқын ажыратылады. Силуэттің жарқын сызықтары ескерткішке камералық сипат береді.