Темір қорықшасы
Темір – мемлекеттік табиғи ботаникалық қорықша. Ауданы 4000 га. Мақсаты – дәрмене өсімдігін қорғауға алып, сақтау.
| Темір қорықшасы | |
| Жалпы мағлұмат | |
|---|---|
| Ауданы | 4000 га |
| Орналасуы | |
| 42°37′44″ с. е. 68°58′37″ ш. б. / 42.62878059° с. е. 68.97684648° ш. б. (G) (O) (Я)Координаттар: 42°37′44″ с. е. 68°58′37″ ш. б. / 42.62878059° с. е. 68.97684648° ш. б. (G) (O) (Я) | |
| Ел |  Қазақстан |
| Аймақ | Түркістан облысы |
| Аудан | Отырар ауданы |
Географиялық орны
өңдеуТүркістан облысы Отырар ауданы жерінде, Сырдария өзенінің жағасында, қырлы, еңіс жазықта орналасқан. Қорықша жусанды-тұзды эфемерлі жартылай шөлдермен сипатталады.
Флорасы
өңдеуҚорықша аумағында Қазақстанның Қызыл кітабына енген өсімдік түрлері: дәрмене, Шренк қызғалдағы, Борщов қызғалдағы. Қорғауға алынған түрлер: ақбас жусан, жантақ, кеурексасыр, кәдімгі адыраспан, қияқ, жуашықты қоңырбас, арпаған, мортық, жапырақсыз қоға, теріскен, қызыл жыңғыл, тікенекті жыңғыл, гүлкекіре, көбенқұйрық, татар катраны, тауарпа.
Фаунасы
өңдеуҚазақстанның Қызыл кітабына енген құстар түрлері: дала қыраны, қарақұс, ителгі, қылқұйрық бұлдырық, бүркіт, қарабауыр бұлдырық, дуадақ, үкі. Қорғауға алынған фауна түрлері: дала тасбақасы, түрлі түсті кесіртке, тақыр кесірткесі, су жылан, өрнекті жылан, кәдімгі қалқантұмсық жылан, оқжылан, кәдімгі тентекқұс, үлкен тағанақ, боз сандуғаш, кіші міңгірлек, сарғалдақ сұлыкеш, зорман, кіші сарышұнақ, үлкен қосаяқ, кіші қосаяқ. Халықаралық табиғатты және табиғи ресурстарды қорғау одағының тізіміне енгізілген түрлер: қарақұс, дала қыраны, дуадақ, ителгі, дала тасбақасы.[1]
Дереккөздер
өңдеу- ↑ Сайт "Особо охраняемые природные территории Республики Казахстан" https://oopt.kz/