Тео Джеймс (ағылш. Theo James); туған кезіндегі есімі: Теодор Питер Джеймс Киннэйрд Таптиклис (ағылш. Theodore Peter James Kinnaird Taptiklis); 16 желтоқсан 1984 жылы, Оксфорд, Англия) — британдық кино және телевизия актері.

Тео Джеймс
Theo James
Сурет
Тео 2014 жылдың наурызында, «Дивергент» фильмінің премьерасында.
Жалпы мағлұмат
Туған кездегі есімі

Теодор Питер Джеймс Киннэйрд Таптиклис

Туған күні

16 желтоқсан 1984(1984-12-16) (35 жас)

Туған жері

Оксфорд,  Ұлыбритания

Азаматтығы

 Ұлыбритания

Мамандығы

актер, музыкант

Белсенді жылдары

2010 - қазіргі уақыт

IMDb

ID 3772243

БиографиясыӨңдеу

Тео Джеймс Оксфордта, Ұлыбританияда дүниеге келді. Джейн Мартин мен Филипп Таптиклистің бесінші және ең кенже баласы. Ноттингем университетін философиядан дәреже алып бітірді. Актерлік шеберлікті Бристоль театр мектебінде үйренді (ағылш. Bristol Old Vic Theatre School).

Джеймс телевизияда 2010 жылы «Құмар бике» телесериалына түсіп, өз дебютін жасайды. Сонымен қатар, ол «Даунтон аббаттығы» телесериалының бірінші маусымының үшінші сериясына түсті. Сол жылы ол «Сен құпиялы бейтанысты кездестіресің» атты танымал кинода өзінің алғашқы рөлін ойнады.

2011 жылы Джеймс өзінің алғашқы басты рөлін британдық «Бедлам» телесериалында және «Басқа әлем: ояну» франшизасында Дэвид атты қансорғыштың рөлін ойнады. Энтони Хемингуэйдің «Қызыл құйрықтар» фильміне түсті.

2015 жылдың көктеміне «Басқа әлем: келесі ұрпақ» франшизасының бесінші бөлімін түсіру жоспарланған.

2013 жылы экрандарға «Жолы болғыш» телесериалы шықты. Онда Тео бас кейіпкер Уолер Кларктың рөлін ойнады. Алайда, алғашқы маусымнан кейін, телесериал тоқтатылды.

Сол 2013 жылы Теоның Вероника Роттың «Дивергент» атты трилогиясында басты рөл ойнайтындығы жарияланды. Фильмнің өзі әлемдік прокатқа 2014 жылдың 21 наурызында шықты. Фильмнің алғашқы бөлімі шыққаннан кейін Теоның «Дивергент»-тің екінші бөлігі «Инсургент»-те де Фордың рөлін ойнайтындығы белгілі болды. Фильм түсірілімі 2014 жылдың 27 мамырында Атланта қаласында басталып, сол жылдың 7 қыркүйегінде аяқталды. «Инсургент» фильмінің алғашқы көрсетілімі 2015 жылдың 20 наурызында басталды.

Сонымен қатар, 2014 жылы Тео түскен «Лондон жазықтары» және «Фрэнни» фильмдері шықты.

Тео «Shere Khan» тобының вокалшысы және гитаристі болған, бірақ 2012 жылдың 21 қараша күні, топ Facebook желісінде өздерінің қызметінін тоқтататынын жариялады

Қызықты деректерӨңдеу

  • Тео — отбасында кенже бала. Оның екі үлкен ағасы және екі үлкен әпкесі бар.
  • Оның атасы — грек, әкесі — жаңазеландық, ал анасы — шотландық.
  • Теоның ата-анасы ол үшін шабыт көзі.
  • Тео драма мектебіне, тыңдалымға өзінің қызымен барған. Бірақ қызының орнына мектепке Теоның өзі түскен.
  • «Bristol Old Vic School» мектебінде Антония Томаспен оқыған.
  • Егер ол актер болмаса, музыкамен айналысар еді.
  • Фортепианода, гитарада, баянда және саксофонда ойнай алады.
  • «Shere Khan» тобына дейін, «Makora» тобында вокалшы болған.
  • Дайвингпен және жүзумен айналысқанды жақсы көреді. Жарлардан секіргенді ұнатады.
  • Балет, чечётка және джаз жанрларында билей алады.
  • Индиана Джонс пен Харрисон Фордтың жанкүйері.
  • Джими Хендрикстің концертіне баруды қалайды.
  • «Cheetos» чипстерін ұнатады. Сүйікті сусыны – шай.
  • «Манчестер Юнайтед» футбол командасының жанкүйері.

ДереккөздерӨңдеу

Сыртқы сілтемелерӨңдеу