Теректі халық хоры

Теректі халық хоры - әуеской хор ұжымы. 1969 ж. қазіргі Батыс Қазақстан облысының Теректі ауданындағы Федоровка селосында ұйымдастырылды, 1978 ж. халық ансамблі атағына ие болды. Оның көркемдік жағын 1969 жылдан Н.А. Федоскина басқарды. Хор репертуарынан орыс және қазақ композиторларының музыка шығармалары (С.С. Туликовтың "Арта берсін балға мен өлең даңқы", М.Төлебаевтың "Отаны", т.б.) орын алды. Хор ұжымы Алматы қаласында (1980) өнер көрсетті. 1982 ж. Мәскеу қаласында КСРО ХШЖК-нде өткен Қазақстан күндері мерекесіне қатысты. Еңбекшілер көркем өнерпаздық шығармашылығының Бүкілодақтық фестивалінің лауреаты (1977).