Терриген шөгінділер
Терриген шөгінділер- әр түрлі жағдайымен теңізге және мұхитқа әкелінген құрлық денудациясының қатты бөлшектерінен түзілген шөгінділер. Заттық құрамы құрлықтағы үгілу процестерінің сипатына, су жиналатын аумақтағы жыныстарының петрогр. құрамына байланысты. Құрлықтық қайраңда, шельфте терриген шөгінділер ірі кесекті, құмды,алевритті, сазды шөгінділерден құралады.Ең ірі кесекті жыныстар құрлыққа таяу жерге жиылады. Алаптың гидродинамикасына қарай теңіздердегі құм мен лай шекарасы 25-50 м-ден 100-150 м-ге дейінгі тереңдіктерде байқалады. Мұхиттарға ірі мұздар, жеке айсбергтермен келген, іріктелмеген ірі кесекті жыныстар да терриген шөгінділерге жатады.
Дереккөздер
өңдеуҚазақ энциклопедиясы 11 том