Тері туберкулезі

Тері туберкулезі - терінің туберкулезді қабынуымен жүретін туберкулезді үдеріс. Аурудың қоздырғышы болып қышқылға төзімді туберкулезді микобактериясы болып табылады. Бұл туберкулездің сирек кездесетің түрі. Туберкулездің теріні зақымдауы көбіне өкпемен, лимфа жүйесінің және тағы басқа мүшелердің зақымдалуымен бірге қосарланып келеді. Терінің туберкулезді зақымдануына ошақты түрлері (кәдімгі жегі, скрофулодерма және ойықжара туберкулезі) және шашыранды түрілері жатады.

Клиникалық көрінісі

Бет терісін, сирек жағдайда ауыз қуысы мен мұрын қуысының шырышты қабатын және кеуденің, мойынның, аяқ-қолдардың терілерін зақымдайды. Алғашқы клиникалық көріністері ретінде қызғылт сары түстес, көлемі 1-2мм, бір немесе бірнеше ұсақ төмпешіктердің (липомалардың) пайда болуымен жүреді. Төмпешіктер жайлап ұлғаяды да бірігіп бүртік (бляшка) түзеді. Төмпешікті шынымен басып қараған кезде алма балдыры (желесі) («алма балдыры белгісі») түстес дақ, ал зондпен басып қараған кезде тамшы қаны бар ойықша пайда болады («зонд белгісі»). Төмпешік бүртігі беткейлік тыртық қалдырып, кері қайта дамуы мүмкін. Кейде төмпешіктер пайда болуы мүмкін инфильтраттарға біріктіріледі. Ойық жаралардың тыртықтары дефигурацияланатын тыртықтардың жиі пайда болуымен жүреді.

Диагноз

Тері туберкулезі терінің зақымдалған аймағынан алынған биопсия мен гистологиялық зерттеу арқылы расталады. Ажыратпалы диагностиканы мерез төмпешіктерімен, созылмалы дискоидты қызыл жегімен, эритема түйінімен, лейшманиозбен және т.б. мен жүргізіледі.

Емі

Тері туберкулезі В дәрумендерінің кешенімен патогенетикалық емдеу фонында стандартты химиотерапияға сәйкес жүргізіледі.