Тері ұқсату

Тері ұқсату - сән және қолданбалы өнердің кең тараған бір түрі. Теріден илеп, бояп, бедерлеп, жасалған ежелғі бұйымдар байырғы сақ, ғұн, үйсін өнері кезеңіне саяды. Аттұрман әбзелдері, киім-кешек, үй-іші жиһаздық заттары көбіне теріден жасалды. Тері ұқсату қалыптап қатыру, өрнектеп тігу, батырып бедерлеу, бояп құрастыру, өрмелеп тоқу әдістерін қамтиды. Шылғи қайыс, шикі тері, кең және тулақ кереге көктеп, ер қаптауға, саба, торсық тігуге, тегене, қорамсақ жасауға қолданылды. Илеген теріден, негізінен, киім-кешек өндірілді. Таспадан өрмелеу ісмерлігінің де тері ұқсатудан алар орны үлкен.