Тетово

Тетово – Македонияның солтүстік-батысындағы қала. Тетово қауымдастығының орталығы.

Ол Полог тарихи-географиялық аумағындағы Шар тау сілемдерінің бөктерінде тұрғызылған. Тетово қаласын Пена өзені кесіп өтеді. Қала теңіз деңгейінен 300 м биіктікте орналасқан. Халық саны – 52 915(2002).

Тетово қаласында екі ЖОО бар: Тетово мемлекеттік университеті және Халықаралық оңтүстік-батыс-еуропалық Университеті. Аңыз бойынша қала атауы қала тұрғындарының алып жыланнан құтқарған Тето батырдың құрметіне Тетово аталады.

Тетовоның негізі 13-ғасырда қаланған. Бастапқыда ол Хтетово аталатын шағын ауыл болған. 14-ғасырдың соңында Македонияның басқа да қалалары секілді Осман империясының қарамағына өтеді. Македониядағы мұсылмандар санының артуы қалаларда мешіттер құрылысы көбейе бастады. Түріктердің үстемдігі кезінде қала атауы Калканделен болып өзгерді.