Тетрис
Тетрис — компьютерлік ойын.
1984 жылдың 6 маусымында кеңес бағдарламашысы Алексей Пажитнов шығарған. Алғашқы нұсқасы Паскаль тілінде шыққан.[1] Нарыққа бейімделген тұңғыш коммерциялық нұсқаны 1987 жылы американдық Spectrum HoloByte компаниясы шығарған. Одан кейін шыққан ойынның көптеген үлгілері ойын консольдарына, компьютерлерге, ұялы телефондарға, калькуляторларға, тіпті осциллографтарға да енгізілген болатын. Сонымен қатар , ойын әртүрлі жанрлар мен форматтарға, соның ішінде көп ойыншы режимдеріне, тақырыптық вариацияларға және тіпті үш өлшемді нұсқаларға бейімделді.
Тарихтағы ең көп сатылған компьютерлік ойын болып келеді, жалғыз Nintendo-ның GameBoy консолімен бірге 35 миллион копия сатылды.[2] 2014 жылы The Tetris Company бастығы Хэнк Роджерстің айтуынша, ұялы телефондарға ойын 425 миллион рет ақылы негізде жүктеліпті.[3] 2007 жылы тетрис АҚШ Конгресс кітапханасына ең маңызды он компьютерлік ойынның бірі ретінде сақталуға берілген.[4]
Тетристің негізінде төрт шаршыдан тұратын «тетрамино» фигуркаларынан құралған үстелдік ойжұмбақ ойыны жатыр.
Ережелер
өңдеу
Биіктігі 20 шаршы, ені 10 шаршы болатын төртбұрышты кеңістікке үстіден кездейсоқ түрде тетрамино фигуркалары түсіп жатады. Түскенде ойыншы оларды 90°-қа бұрай алады және олға-солға қозғалта алады. Қалайтын орны белгілі болса, фигурканы төменге де жедел түсіре алады. Ол басқа фигуркаға тірелгенге дейін, немесе кеңістіктің түбіне жеткенге дейін төмен қарай қозғала береді. Егер фигурка түскен кезде 10 шаршыдан тұратын қатар толық түзілсе, қатар жойылады, ал оның үстіндегі фигуркалар бір шаршыға төмендейді. Ойынның жылдамдығы бірте-бірте өседі. Берілген кеңістікке жаңа фигурка сыймай қалатын жағдайда ойын аяқталады. Әр жойылған қатар үшін ойыншыға ұпайлар беріледі.
Тағы қараңыз
өңдеу- Ең көп сатылған видео ойындар тізімі
- Тетрис (фильм) — 2023 жылы шыққан фильм
Дереккөздер
өңдеу- ↑ http://www.gamer.ru/tetris/aleksey-pazhitnov-chelovek-legenda-2
- ↑ Wynne-Jones, Jonathan. Computer game Tetris celebrates 25 years, The Daily Telegraph, Telegraph Media Group (June 6, 2009). Тексерілді 26 сәуірдің 2017.
- ↑ Dean Takahashi 'Mr. Tetris' explains why the puzzle game is still popular after three decades (interview) (ағыл.). VentureBeat (7 April 2014). Тексерілді, 4 қаңтар 2018.
- ↑ Ransom-Wiley, James 10 most important video games of all time, as judged by 2 designers, 2 academics, and 1 lowly blogger. Joystiq. Басты дереккөзінен мұрағатталған 22 сәуір 2014.