Теңгеге 20 жыл медалі
«Теңгеге 20 жыл» медалі — мерейтойлық медаль, Қазақстан Республикасының мемлекеттік марапаты.
| «Теңгеге 20 жыл» медалі | |
|---|---|
 | |
| Мемлекет |  Қазақстан
|
| Түрі | Медал |
| Жағдайы | беріледі |
| Негізделді | 2 қыркүйек 2013 жыл |
Қазақстан Республикасы Президентінің 2013 жылғы 2 қыркүйектегі Жарлығы негізінде Қазақстан Республикасының ұлттық валютасы — теңгенің айналымға енгізілгеніне 20 жыл толуын мерекелеу мақсатында құрылған[1].
Медал жайлы ереже
өңдеу- Мерейтойлық медальмен Қазақстан Республикасының азаматтары мен Қазақстан Республикасының ұлттық валютасы – теңгенің қызмет етуіне елеулі үлес қосқан шетел азаматтары марапатталады.
- Мерейтойлық медалді дайындау және оны мерейтойлық медальмен марапаттауға ұсыну тәртібін Қазақстан Республикасы Ұлттық Банкінің Төрағасы айқындайды.
- Мерейтойлық медаль Қазақстан Республикасы Президентінің атынан табыс етілді:
- Қазақстан Республикасы Ұлттық Банкінің Төрағасы;
- Қазақстан Республикасы Ұлттық Банкі Төрағасының орынбасары;
- Қазақстан Республикасы Ұлттық Банкі филиалдарының, өкілдіктерінің, мекемелерінің, ұйымдарының бірінші басшылары;
- Қазақстан Республикасы Ұлттық Банкінің Төрағасы айқындайтын уәкілетті тұлғалар.
- Марапатталған адамға мерейтойлық медальмен бірге белгіленген үлгідегі куәлік табыс етіледі.
- Мерейтойлық медал марапатталған адамға салтанатты жағдайда жеке тапсырылады. Марапаттау алдында Қазақстан Республикасы Ұлттық Банкі Төрағасының марапаттау туралы бұйрығы жарияланады.
- Мерейтойлық медаль кеуденің сол жағына тағылады. Қазақстан Республикасының мемлекеттік марапаттары болған жағдайда мерейтойлық медал олардан кейін орналасады.
- Марапаттау тізіміне мерейтойлық медалді тапсыру туралы тиісті жазба енгізіледі.
- Марапаттарға арналған тізімдер, сондай-ақ табыс етілмеген мерейтойлық медалдар мен оларға арналған куәләктер марапаттар тізімдерінде қайтару себептерін көрсете отырып, Қазақстан Республикасы Ұлттық Банкінің қызметкерлерді басқару қызметіне қайтарылады.
- Орындалған марапаттарды есепке алуды, сондай-ақ мерейтойлық медалдарды табыс ету барысы туралы есептілікті Қазақстан Республикасы Ұлттық Банкінің қызметкерлермен жұмыс бөлімі жүргізеді.
Сипаттамасы
өңдеу«Теңгеге 20 жыл» мерекелік медалі (бұдан әрі — мерекелік медаль) екі бөліктен — тағаннан және ілгіштен тұрады. Мерекелік медал диаметрі 34 мм шеңберге алынған бұрыс шаршы нысанында болады.
Мерекелік медалдің бет жағының орталық бөлігінде күн сәулесі мен қалықтаған қыран бедерленген «20» саны орналасқан, мерекелік медалдің жоғарғы бөлігінде «ТЕҢГЕГЕ», төменгі бөлігінде «ЖЫЛ» деген жазу жазылған, сол және оң жағында ұлттық ою-өрнек бейнеленген.
Мерекелік медал нейзилбер қоспасынан жасалған.
Мерекелік медал құлақша мен шығыршық арқылы қою жасыл түсті қатқыл таспамен тысталған, ені 32 мм және биіктігі 50 мм болатын тағанға жалғанады. Тағанның ортасында тігінен тұрған бедерлі лавр бұтағы түріндегі нейзилберден жасалған ені 8 мм қондырма орналасқан.
Мерекелік медал киімге қалқалы бекітпесі бар түйреуіш арқылы бекітіледі.
Медал Өскемен қаласындағы Қазақстан теңге сарайында дайындалды.
Дереккөздер
өңдеу- ↑ Қазақстан Республикасының ұлттық валютасы — теңгенің айналысқа енгізілгеніне 20 жыл толу құрметіне арналған мерекелік медаль туралы. «Әділет» АҚЖ (2 қыркүйек 2013). Тексерілді, 1 қазан 2024.