Тилландсия

Тилландсия (лат. Tillandsia) – бромелиялар тұқымдасына жататын көпжылдық, мәңгіжасыл бөлме өсімдігі. Отаны – Американың тропиктік және субтропиктік аймағы. Атауы швед ботанигі Э. Тилландстың құрметіне қойылған. 400-ден астам түрлері мен сұрыптары бар. Оның ерекше әдемілігі кімді болса да таңқалдырмай қоймайды. Гүлпаздар арасында бөлмені гүлдендіретін өсімдік ретінде үлкен сұраныста. Бойының биіктігі 20-60 см аралығында. Негізі тилландсия 3-5 жыл ғана өмір сүреді. Осы аралықта гүлдейді, жанама өскіндер шығарады. Содан кейін аналығы солып қалады. Жапырақтары жіңішке, қияқ секілді, ұзындығы 5-25 см аралығында.

Тилландсия
Tillandsia aeranthos
Ғылыми топтастыруы
Дүниесі: Өсімдіктер (unranked) Дара жарнақтылар (unranked) Commelinids Сабы: Poales Тұқымдасы: Bromeliaceae Кіші тұқымдасы: Tillandsioideae Тегі: Tillandsia L.
түрлері
700 түрі белгілі
Синонимдері
Acanthospora Spreng. Allardtia A.Dietr. Amalia Endl. Anoplophytum Beer Bonapartea Ruiz & Pav. Buonapartea G.Don Dendropogon Raf. Diaphoranthema Beer Misandra F.Dietr., nom. illeg. Phytarrhiza Vis. Pityrophyllum Beer Platystachys K.Koch Racinaea M.A.Spencer & L.B.Sm. ×Racindsia Takiz. Renealmia L. Strepsia Steud. Viridantha Espejo Wallisia (Regel) E.Morren

Жарығы:

Жарық жерде өсіру керек. Күннің тіке түскен сәулесінен алшақ ұстаған жөн.

Жылуы:

Ауа температурасы қыста 18 °C төмен болмағаны дұрыс.

Суғарылуы:

Гүлдеп тұрғанда құмыра тәрізді қуыс өзегінде үнемі су болуы қажет. Ал, топырағына суды беткі қабаты құрғағанда құяды.

Ылғалдылығы:

Жапырақтарына жиі су бүркіп тұрған пайдалы.

Қоректендірілуі:

Мамырдан қыркүйек айына дейінгі аралықта арнайы тыңайтқышпен қоректендіреді.

Аурулары:

Дұрыс күтім көрсетілсе ауруға шалдықпайды.

Көбейтілуі:

Гүлдеп болған соң жанама өскіндерін бөлу арқылы көбейтеді.

Сілтемелер

• Гүлстан, өсімдіктер туралы сайт Мұрағатталған 20 ақпанның 2012 жылы.

Дереккөздер

"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727