Тоныкөк жырау атындағы көше (Алматы)
Көшеге Екінші Шығыс Түрік қағанатының көрнекті мемлекет қайраткері, қолбасшы, ойшыл, 682 жылы Тан патшалығына қарсы күреске қатысып, Білге Құтылық (Елтеріс) қағанның кеңесшісі болған Тоныкөк жыраудың есімі (Алматы қаласы мәслихатының 16.01.2006 №222 шешімі мен Алматы қаласы әкімдігінің 18.01.2006 № 1/ 37 қаулысы) берілген. Ол түркі әскеріндегі ең жоғары Аға Тархан, яғни «түркі әскерінің саяси жетекшісі» дәрежесіне ие болған. 646-731 өмір сүрген.
Көше Алатау ауданының «Шаңырақ-А» шағынауданында орналасқан. Көшенің ұзындығы - 500 метр.[1]
Дереккөздер өңдеу
- ↑ Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0