Торпеда тасушы

Торпеда тасушы (Торпеданосец) — авиациялық торпедалармен ұрыс кемелері мен кәлік кемелерін жоюга, сондай-ақ миналы бөгеттер қоюға арналған ұрыс ұшағы. Торпеда тасушы Екінші дүниежүзілік соғыс кезеңінде кеңінен колданылды. Соғыстан кейінгі уакытта қару-жарак құрамында реактивті торпеда тасушы — бомбалаушылар Ил-28, Ту-14 және Ту-16 болды. 1950 жылдардың ортасында ракета жасау және теңіздегі әуе шабуылына қарсы қорғаныстың күшейтілуіне байланысты су үсті кемелерімен күресуге арналған авиациялық торпедалар өз мәнін жоғалта бастады. Торпеда тасушы орнына ракета тасушылар келді.

Ең алғаш торпеда тасушылардың бірі, самолет Sopwith Cuckoo.

Торпеда тасушы ұшақ

Торпеда тасушы ұшақ (Самолет-торпедоносец) — қарсыластын теңіз бен базаларындағы әскери кемелері мен кәлік кемелерін торпедалармен, ракеталық қарулармен, бомбалармен және миналармен жоюга арналган миналық-торпедалық авиация ұшақтары. Торпеда тастар алдында ұшақ коздеу жүргізеді, ол үшін біраз уақыттік бағытпен ұшуы керек. Торпеда тасушы ұшақ кеме бортына 50-300 м. биіктікте шабуылдайды. Жоғарғы шегі 2000 м және одан да биіктен тастайды. Торпеда тасушы ұшақ кәдімгі бомбалаушы ретінде де қолданылады. Торпеда тасығыш (Торпедовоз) — әскери-теңіз күштерінде (флот) торпедаларды жүзбелі немесе жағалаудағы базаларға тасуға арналған кеме. Торпеда тасығыш ретінде арнайы жасалынган немесе қайта жабдықталған шағын кемелер пайдаланылады. Судағы салмағы 300-700 т, 40 торпедаға дейін сияды, жүзу қашықтығы 1000 мильге (1852 км) дейін жетеді. 1970 жылдардан бастап торпеда тасығыш міндетін кейбір елдердің әскери-теңіз күштерінде әскери-көлік кемелері атқарады.