Торғай қазақ драма театры

Торғай қазақ драма театры, Торғай қазақ драма театры Арқалық театры – театр ұжымы.

Бұл бұрынғы Торғай облысы муз. драма театры негізінде (қ. Жезқазған қазақ музыкалық драма театры) 2001 ж. 6 ақпанда Қостанай облысының мәдениет департаменті қарамағындағы Арқалықтың қазақ жасөспірімдер театры деген атпен ашылды.

Мұнда М.Әуезовтің “Айман – Шолпан” (2001, реж. Ж.Есенбеков), Ғ.Мүсіреповті “Қыз Жібек” (2002, реж. Ж.Хажиев), Қ.Сәрсекеевтің “Мұңлық – Зарлық” (2004, реж. А.Садықова), Ә.Таразидің “Күнә” (2006, реж. Т.Рақышева) атты драм. шығармалары қойылды. 2001 – 06 ж. театр репертуарынан (М.Хасенов, “Пай-пай, жас жұбайлар-ай”), (Ә.Әбішев, “Мәдидің шайқасы”), (Р.Мұқанова, “Мәңгілік бала бейне”), сондай-ақ аударма (А.Н. Толстой, “Алтын кілт”), (А.В. Вампилов, “Тұңғышым”), (Н.В. Гоголь, “Ревизор”) және балаларға арналған (М.Жүнісұлы, “Бақыт іздеген бала”), (О.Боранбай, “Қаңбақ шал”) пьесалар да орын алды.

Театр құрамында К.Ахметова, Қ.Әбдібеков, Р.Байкөбен, Г.Балғынбаева, Е.Барақов, Ж.Бөлтірікова, О.Қойбағаров, Б.Молдашев, О.Нұрғали, С.Ордабаев сынды актерлер, бас реж. Ә.Садықова (2001 жылдан) және бас суретші Е.Мергенов (2001 жылдан), т.б. қызмет етеді.

Театр труппасы 2005 ж. Қостанай қаласында өткен 12-Қазақстан театрлары респ. фестивалінің “Театр дебюті” дипломымен, сондай-ақ Қостанай облысы мәдениет департаментінің Құрмет грамотасы және дипломдарымен (2002 – 06) марапатталды.