Тоқболат Төлепбайұлы Тоғысбаев

Тоқболат Төлепбайұлы Тоғысбаев (1940-1996) — кескіндемеші, Қазақстанның еңбек сіңірген өнер қайраткері (1989).

Тоқболат Төлепбайұлы Тоғысбаев
Туған күні	5 қазан 1940 (1940-10-05)
Туған жері	Түркістан облысы Төле би ауданы Оңтүстік а.
Қайтыс болған күні	11 тамыз 1996 (1996-08-11) (55 жас)
Қайтыс болған жері	Алматы
Қызметі	кескіндемеші

Дулат тайпасының Жаныс руынан. , 1965 ж. Алматы көркемсурет училищесін бітірді (қазіргі Алматы сәндік және қолданбалы өнер колледжі). Тоқболат туған ел табиғатын бейнелеуде өзінің қайталанбас қолтаңбасын айқын аңғартты; заман мен адамды асқақ жырлаумен ұлттык бейнелеу өнері тарихында терең із қалдырды. Тоқболат қылқаламынан туған туындылары Республикалық, Бүкілодақтық және Халықаралық көрмелерінде қойылды, "Гүлмен қыз" (1965), "Дала әуені" (1966), "Соғыс триптихы" (1968), "Дала балладасы" (1972), Құрылысшылар сөзі", "Әншіл таулар" (1973), "Жас дәурен" (1975), "Ақын М.Шахановтың портреті" (1977), "Аспанда" (1978), "Жаңғырған дала" (1982-1986), "Жұмыстан кейін", "Әңгіме" (1984), "Ойын-сауық", "Думанды күндер" (1987) атты кескіндемелік шығармалары айшықты да арайлы әсемдігімен ерекшеленді. 1997 ж. кескіндемешінің туған ауданындағы орта мектепке (бұрынғы Блинков атындағы мектепке) оның есімі берілді.

Сондай-ақ ол «Ойшыл Абай» (1971, кенеп, майлы бояу, Қазақтың мемл. өнер музейі қоры), «Құнанбай Өскенбаевтың портреті» (1977, кенеп, майлы бояу, Абайдың мемл. қорық-музейі қоры), «Абай Құнанбаев» (1982, кенеп, майлы бояу, Қазақтың мемл. өнер музейі қоры) еңбектерін салды.