Тоқпан күмбезі

Тоқпан күмбезі - 19 ғ. басындағы сәулет өнері ескерткіші. Ақтөбе облысы Шалқар аудндағы Жаңақоныс кентінің солтүстік батысында 25 км жерде орналасқан. Порталды күмбезді, бір камералық кесененің негізі тік төртбүрышты (8x8,5 м). Ол күйдірілген кірпіштен қаланған, маңдайшасын шикі кірпіш араластырып өрген. Күмбездің мүрде жататын батыс іргесіне құлпытас қойылып, оның үстіне өмірбаяндық бағыштау сөздер жазылған. Бұл мазардың қирамай сақталған бөлігінің биіктігі 3,5 м. Ескерткіш қазақтың салт-сана дәстүрі негізінде салынған, жоба, композициялық түрғыдан шешімін тапқан құрылыс болып саналады.