Тоңазыту техникасы

Тоңазыту техникасы – техниканың салқындатқыш заттардың немесе тоңазыту машинасының көмегімен белгілі бір көлемде төменгі температура алу және оны бір қалыпта ұстап тұру мәселесін (жасанды салқындату процесін) қамтитын саласы. Еру (мысалы, су мұзы), сублимация (қатты көмір қышқылы – құрғақ мұз), булану (сұйық азот) сияқты процестер С-тан төменгі температурада жүретін заттар салқындатқыш заттарға жатады. Тоңазыту не салқындату, сондай-ақ мұз етіп қатыру кезінде азық-түліктердегі биол. процестердің өтуі баяулайды. Жасанды жолмен салқындату процесі химия, мұнай өңдеу және газ өнеркәсіптерінде, машина жасауда, т.б. кеңінен қолданылады. Сондай-ақ т т-ның құрылыста, медицинада, спортта маңызы зор.