Трактор Бригадалардың түрлері
Қазіргі кезде механикаландырылған бригада ауыл шаруашылық өндірісінің негізгі өндірістік бөлігі болып табылады. Механикаландырылған бригадалардың басты артықшылығы - оған көптеген жағдайларда жердің, техника мен жұмыс күшінің бекітіліп берілуі болып табылады.Өнімнің мөлшері, сапасы мен өзіңдік құны, яғни бүкіл шаруашылықтың рентабельділігін, оның өзін-өзі аұтай принципін жүзеге асыру қабілетін анықтайтын негізгі көрсеткіштер, механикаландырылған бригадалар жұмысының тиімділігіне байланысты. Ауыл шаруашылық өндірісінде механикаландырылған бригадалардың мынадай түрлері бар: дербес трактор бригадалары, комплексті механикаландырылған бригадалар және трактор егіс бригадалары.Бригадалар түрлеріндегі мұндай айырмашылық шаруашылықтардың өндірістік жағдайларының бірдей еместігіне байланысты. Жер, жұмыс күші мен еңбек құралдары бір кісінің иелігінде болатын бригадаларда, жер учаскелерін өңдеуде иесіздік жойылады, өндірістік жоспардың орындалуы жөніндегі жауапкершілік күшейеді, аз шығын жұмсай отырып ауыл шаруашылық өнімін өндіру артады. Механикаландырылған трактор бригадаларының ішінде механикаландырылған звенолар, уақытша құрылған топтар, комплексті отрядтар, т.с.с. болуы мүмкін. Отрядтар ауыл шаруашылық дақылдарын жинау, тыңайтқыштар дайындау мен тасу, ауыл шаруашылық өсімдіктерінің зиянкестері мен ауруларына қарсы күресу, шабындықты суару, өнім тасымалдау жіне басқа жұмыстарда көбірек таралған. Шаруашылықтардың өндірістік бөлімшелерінде еңбекті ұйымдастыру формасы, шаруашылықтың өндірістік жағдайлары мен мүмкіндіктеріне сәйкес келіп, бригаданың жұмыста неғұрлым жоғары нәтижеге жетуін қамтасыз етуге тиіс.
Дереккөздер өңдеу
Машина-трактор паркін пайдалануда ұйымдастыру және жұмыс жүргізу технологиясы: селолық орта кәсіптік-техникалық училищелерге арналған оқу құралы.Мухин А.А.