Трилатерация

Трилатерация (лат. trіlaterus – үш жақты) – тіректік геодезиялық тор нүктелерінің координаттарын анықтау әдістерінің бірі.

Геодезиялық тор бір-бірімен түйісетін үшбұрыштар түрінде қалыптасады. Мұнда үшбұрыштардың бұрыштары мен олардың төбелерінің координаттары тригонометриялық есептеулер арқылы анықталады. Үшбұрыштардың қабырғалары радиолокация немесе электроптік қашықтық өлшеуіш (жарық қашықтық өлшеуіш) тәсілімен өлшенеді. Трилатерация мен триангуляцияның атқаратын міндеті бірдей.